Dagskrá vorannar hófst með heilunarþjónustu í Reykjanesbæ 23. janúar. Þemað var friður, heilun, fyrirgefning og ný von. Fyrirhugað er að halda fleiri heilunarþjónustur úti á landi á árinu og verður sú næsta að Sólheimum í Grímsnesi sunnudaginn 15. maí.
Laugardaginn 25. september kl. 10-17 verða félagarnir Jan Ruben, Martin Binderup og Lawrence Lindhardt frá Danmörku með námskeiðið Mikilvægi sátta og fyrirgefningar. Námskeiðið samanstendur af stuttum erindum, æfingum og hugleiðslum auk þess sem Lawrence leikur undir söng. Þeir félagar hafa unnið saman í Guðspekisamtökunum í Danmörku áratugum saman og hafa verið hér áður með dagskrá í Nýju Avalon miðstöðinni.
Út eru komnar á geisladiskum plánetuhugleiðslur úr bókinni 17 þrep til fullkomnunar. 17 þrep til fullkomnunar ásamt Logaæfingunni mynda Shan hugleiðslukerfið sem Meistarar Helgistjórnarinnar hafa miðlað í gegnum Ananda Tara Shan. 17 þrepin samanstanda af 16 plánetuhugleiðslum og hugleiðslunum "Hrynjanda alheimsins" og "Eyðimörkin". Hver plánetuhugleiðsla felur í sér þrjá jákvæða eiginleika og samtals standa hugleiðslurnar fyrir 49 dyggðir sem nauðsynlegar eru að tileinka sér til að ná fullkomnun. Mælt er með því að hugleiða á sömu plánetuna daglega 2-4 vikur í senn. Við val á plánetuhugleiðslu er hægt að fylgja röð þrepanna og nota "Eyðimörkina" til hvíldar þegar þess er þörf. Einnig er hægt að velja hugleiðslu út frá eiginleikum plánetanna, þ.e. hvaða eiginleika viðkomandi vill vinna með, eða jafnvel nota þær út frá stjörnukorti sínu. Geisladiskarnir eru níu og eru tvær hugleiðslur á hverjum. Hugleiðslurnar eru frá 1. þrepi til 17. þreps; Hrynjandi Alheimsins, Sólin, Tunglið, Júpíter, Jörðin, Merkúr, Venus, Neptúnus, Satúrnus, Mars, Vúlkan, Plútó, Úranus, Vega, Minerva, Síríus, Ceres auk Eyðimerkuræfingarinnar. Einn diskur með tveimur hugleiðslum kostar kr. 1.600.- Settið með níu diskum kostar kr. 11.700.-
Laugardaginn 27. feb. kl. 10-16:00 verður námskeiðið Jesú og Magdalena haldið í Nýju Avalon miðstöðinni. Eldey Huld Jónsdóttir, Gerður Jónsdóttir og Helga Guðnadóttir sjá um það. Meðal efnis er:
Tveir nýir bæklingar úr ritröðinni "Lifandi orði" koma út fyrir jólin. Það er eru bæklingarnir Karma og Uppstigning.
Minnum á uppstigningardag Anöndu Töru Shan þann 16. nóvember. Þá eru liðin sjö ár síðan Ananda lést. Af því tilefni verður opin þjónusta kl. 20:00 í Nýju Avalon miðstöðinni.
Væntanlegir eru níu nýir bæklingar úr ritröðinni "Lifandi orð" eftir Ananda Tara Shan. Bæklingarnir heita: Kærleikur, Samúð, Hjartaflæði, Hjartaflæði og vinnustaðurinn, Vegur Hjartans, Karma, Reiði og fyrirgefning, Páskar, Asala hátíð góðvilja og Uppstigning.
10. mars sl. var Kirkja hins upprisna lífs stofnuð hér á landi. Kirkjan fékk skráningu sem trúfélag hjá dómsmála- og mannréttindaráðuneytinu í byrjun mánaðarins. Forstöðumaður trúfélagsins er Eldey Huld Jónsdóttir.
Kirkja hins upprisna lífs byggir á lögmálum guðspekinnar, guðdómlegri visku aldanna.
Fimmtudaginn 25. október kl. 20 verður Eldey Huld Jónsdóttir með fyrirlesturinn Magdalena, móðir ljóss. Í fyrirlestrinum verður fjallað um líf og starf Maríu Magdalenu og hlutverk hennar í endurlausnarferli mannkynsins. Fyrirlesturinn verður bæði í máli og undir leiddri hugleiðslu. Verð kr. 5.000,-
Eldey Huld Jónsdóttir verður með tvo fyrirlestra á vorönninni.
Þriðjudaginn 20. mars kl. 20 verður hún með fyrirlesturinn Mannkyn, ljós og skuggar. Þar fjallar hún um mannkynið og mismunandi hópa innan þess meðal annars út frá skilgreiningum Torkum Saraydarian og Ananda Tara Shan. Verð kr. 5.00.-
Þriðjudaginn 17. apríl kl. 20 fjallar hún um vitund hjartans og ferli þess að flytja vitundina í hjartastöðina og lifa út frá hjartanu. Verð kr. 5.000.-
